Ýlıanov qalasynda segizinshi qabattan qulaǵan bala aman qaldy
ASTANA. QazAqparat - Keshe, 26 sáýirde, Reseıdiń Ýlıanov qalasynda Zasvııajskıı aýdanyndaǵy Kamyshınskıı kóshesiniń boıyndaǵy úıde oqys oqıǵa oryn aldy.
Bul týraly jergilikti turǵyn úıdegi terezelerdiń mańynda bala jatqanyn baıqap qalǵan soń belgili boldy. Áıel adam birden onyń ata-anasyna habar berdi. Keıin belgili bolǵandaı, sol kúni keshke úıinde jalǵyz bolǵan bala segizinshi qabattan qulap túsken. Qulaý saldarynan ol qoldaryn, aıaqtaryn, qabyrǵalary men bel omyrtqasyn syndyrdy. Abyroı bolǵanda, aman qaldy.
Balany dereý oblystyq balalar aýrýhanaǵa jetkizgeni habarlandy. Aımaqtyń densaýlyq saqtaý mınıstri Pavel Degtıardiń sózine qaraǵanda, jas naýqastyń jaǵdaıy aýyr, alaıda esinen tanyǵan joq, dep jazdy informing.ru.
