Ul balalar qyz balalarǵa qaraǵanda kofeındi paıdalanýǵa beıim bolyp shyqty
ASTANA. Qańtardyń 19-y. QazAqparat - Amerıkandyq ǵalymdar er jynysty jasóspirimderdiń qurbylaryna qaraǵanda kofeınquramdy azyq-túlikterdi paıdalanýǵa áldeqaıda beıim ekenin anyqtady,
dep habarlaıdy QazAqparat Lenta.rý saıtyna silteme jasap. Zertteýlerdiń aldyn-ala qorytyndylary munyń kofeınge degen sezimdiliktiń jynystyq ártúrliligine baılanysty ekenin kórsetti.
Býffalo Ýnıversıtetteriniń neırobıologtary sońǵy ýaqyttary kofeınniń azyq-túlikter quramyndaǵy túrleriniń jáne osyǵan baılanysty tutyný deńgeıiniń aıtarlyqtaı ósýine baılanysty jasóspirimderdiń aǵzasyna onyń áserin zertteýdi uıǵardy.
Bir eksperımenttiń barysynda zertteýshiler 12 men 17 jas aralyǵyndaǵy eriktilerge olardyń osy azyq-túlikke qol jetkizýge degen umtylysyn baǵalaý úshin sýsyndardy kompıýterlik oıynda utyp alýdy usyndy. Kofeındi tutynýǵa degen daǵdy, eksperıment kezindegi yntyzarlyq, zerigý sezimderi sııaqty jáne basqa da mańyzdy faktorlarǵa túzetýler engizilgennen keıin ul balalardyń qyz balalarǵa qaraǵanda sýsyndy alýǵa degen umtylysy áldeqaıda kúshtirek bolyp shyqty.
