UQShU ujymdyq bitimgershilik kúshteriniń 2 500 áskeri Almatyǵa keldi
NUR-SULTAN. QazAqparat – UQShU ujymdyq bitimgershilik kúshteriniń 2 500 áskeri Almatyǵa keldi. Bul týraly Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev málim etti, dep habarlaıdy QazAqparat tilshisi.
«Ujymdyq qaýipsizdik shart uıymynyń bas hatshysy Stanıslav Zastiń aqparatyna sáıkes, áskerdiń jalpy sany 2 500 adamdy quraıdy. Olardyń barlyǵy Almatyǵa keldi. Áskerıler UQShU-nyń barlyq elderinen, atap aıtqanda, Reseı, Armenııa, Tájikstan, Qyrǵyzstan jáne Belarýstan jetti», - dedi QR Syrtqy ister mınıstrliginde uıymdastyrylǵan brıfıng barysynda Shahrat Nuryshev.
Aıta keteıik, UQShU Ujymdyq bitimgershilik kúshteriniń basty mindeti - mańyzdy memlekettik nysandardy qorǵaý, QR quqyq qorǵaý organdaryna jaǵdaıdy turaqtandyryp, zańnyń ústemdik etýin qamtamasyz etýge kómektesý.
