UQShU TJ jónindegi úılestirý keńesiniń otyrysy Almatyda ótedi

ASTANA. QazAqparat - 12 qyrkúıek kúni Almatyda QR ishki ister mınıstriniń orynbasary ıÝ.V. Ilınniń tóraǵalyǵymen Ujymdyq qaýipsizdik týraly shart uıymyna múshe memleketterdiń Tótenshe jaǵdaılar jónindegi úılestirý keńesiniń 11-shi otyrysy ótedi, dep habarlaıdy QazAqparat tilshisi QR ІІM TJ baspasóz qyzmetine silteme jasap.

Otyrysqa Armenııa Respýblıkasy, Belarýs Respýblıkasy, Qyrǵys Respýblıkasy jáne Reseı Federatsııasy TJ mınıstrlikteriniń, Qazaqstan Respýblıkasynyń Іshki ister mınıstrliginiń, Tájikstan Respýblıkasy úkimeti janyndaǵy Tótenshe jaǵdaılar jáne azamattyq qorǵanys jónindegi komıtetiniń, sondaı-aq UQShU hatshylyǵynyń basshylyǵy men ókilderi qatysady.

Sharaǵa halyqaralyq uıymdar da, atap aıtqanda, Halyqaralyq Qyzyl Krest Komıtetiniń Ortalyq Azııadaǵy óńirlik ókildigi, Halyqaralyq Qyzyl Krest Komıtetiniń RF, Belarýs jáne Moldovadaǵy óńirlik delegatsııasy, tótenshe jaǵdaılar jáne apattar saldaryn azaıtý ortalyǵy qatysady.

Otyrysta halyqaralyq uıymdarmen yntymaqtastyq máseleleri qaralyp, olardyń tótenshe jaǵdaıdan zardap shekkenderge kómek kórsetýdegi áleýetin arttyrý, TJ bólimshelerimen taktıkalyq-arnaıy oqý-jattyǵýlardy ótkizý máseleleri, t.b. talqylanady. 
Otyrys sońynda Tótenshe jaǵdaılar jónindegi úılestirý keńesiniń qorytyndy qujattaryna qol qoıylady.