UQShU tıimdi jáne suranysqa ıe halyqaralyq qurylym retinde áreket etedi – Prezıdent
ASTANA. KAZINFORM – UQShU ujymdyq qaýipsizdikti qamtamasyz etýge baǵyttalǵan tıimdi jáne suranysqa ıe halyqaralyq qurylym retinde áreket etedi. Bul týraly UQShU Ujymdyq qaýipsizdik keńesi kezekti sessııasynyń keńeıtilgen quramdaǵy otyrysynda Memleket basshysy Qasym-Jomart Toqaev aıtty.
«Búginde UQShU ujymdyq qaýipsizdikti qamtamasyz etýge baǵyttalǵan tıimdi jáne suranysqa ıe halyqaralyq qurylym retinde áreket etedi. Onyń damý jyldary ishinde múshe memleketter keń aýqymdy máseleler boıynsha ózara is-qımyldyń baı tájirıbesin jınaqtady. Aýqymdy normatıvtik-quqyqtyq baza qalyptastyryldy. Qazirgi zamanǵy syn-qaterler men qaýippen kúresýdiń qajetti tetikteri jolǵa qoıylǵan. Ujymdyq qaýipsizdik kúshteri men quraldary quryldy jáne jumys isteıdi», - dedi Prezıdent.
Memleket basshysynyń atap ótýinshe, birqatar bedeldi, halyqaralyq jáne óńirlik uıymdarmen syndarly yntymaqtastyq ornatyldy.
«2022 jyly UQShU aıasynda biz TMD-men jáne ShYU-men yntymaqtastyqty nyǵaıtý týraly sheshim qabyldadyq. Qalyptasqan ıgi dástúr rýhynda búgingi otyrysqa osy halyqaralyq uıymdardyń basshylary qatysyp otyr», - dedi Qasym-Jomart Toqaev.