UQShU: Sırııa men Iraktyń 60 myńnan astam mıgranty TMD arqyly shekara asqan
ASTANA. QazAqparat - 2016 jyly Sırııa, Lıvan, Irak jáne Iemenniń 70 myńǵa tarta zańsyz mıgranty Ujymdyq qaýipsizdik týraly shart uıymy (UQShU) aýmaǵyna ótip ketken. Bul týraly búgin UQShU bas xatshysynyń orynbasary Valerıı Semerıkov málim etti, dep xabarlaıdy QazAqparat.
«Bıyl jyl áli tolyq aıaqtalmasa da, UQShU uıymyna múshe memleketterdiń aýmaǵyna Sırııa, Lıvan, Irak jáne Iemenniń 70 myńǵa tarta zańsyz mıgranty enip ketken. Olardyń 63 myńy TMD elderinen keldi. Olar tranzıtpen kelgeni anyq. Qalǵandary boıynsha jumys júrgizilýde», - dedi ol Astanada uıymǵa múshe elderdiń zańsyz mıgratsııamen kúres organdarynyń úılestirý keńesiniń otyrysynda.
Onyń aıtýynsha, TMD elderinde zańsyz júrgen mıgranttar boıynsha shuǵyl sharalar qoldanyldy. Olardyń basym bóligi elden shyǵaryldy.
«2016 jyly Aýǵanstannan 22 myń adam UQShU elderine zańsyz kóshken. Olar Taıaý Shyǵystan kelgen mıgranttardan kóp. Olar boıynsha tıisti jumystar atqarylýda», - dedi Semerıkov.
RF Іshki ister mınıstriniń birinshi orynbasary Aleksandr Gorovoıdyń aıtýynsha, Taıaý Shyǵystan kelgen mıgranttardyń basym bóligi jalǵan qujattarmen kelgen.
«Biz qazir Sırııa men Irak bandalary urlap ketken 60 myńnan astam pasporpen jumys jasaýdamyz. Olardy lańkester men top músheleri qoldandy dep boljaýǵa bolady», - dedi ol.
