UQShU PA delegatsııasy saılaý protsesin uıymdastyrýdyń joǵary deńgeıin atap ótti

ASTANA. QazAqparat – Ortalyq saılaý komıssııasynyń tóraǵasy Nurlan Ábdirov Ujymdyq qaýipsizdik týraly Shart Uıymy Parlamenttik Assambleıasynyń top úılestirýshi Vagarshak Akobıan basqaratyn delegatsııasymen kezdesti. QazAqparat bul týraly QR OSK-ǵa silteme jasap habarlaıdy.

Ortalyq saılaý komıssııasynyń tóraǵasy delegatsııa múshelerine saılaý naýqanynyń negizgi kezeńderiniń qorytyndylaryn, Prezıdenttikke tirkelgen kandıdattar týraly aqparatty usyndy. Sondaı-aq 18 qarashada úgit-nasıhat kezeńi aıaqtalyp, 19 qarashada saılaý aldyndaǵy tynyshtyq kúni ekenin atap ótti.

Nurlan Ábdirov UQShU PA ókilderin saılaýshylar tizimine engizilgen Qazaqstan azamattarynyń sany, eldegi saılaý ýchaskeleriniń sany, sondaı-aq Qazaqstan Respýblıkasy prezıdentin saılaýǵa halyqaralyq baıqaýshylardy akkredıtteý qorytyndylary týraly habardar etti.

Óz kezeginde UQShU PA ókilderi usynylǵan aqparat úshin alǵys bildirip, saılaý protsesin uıymdastyrýdyń joǵary deńgeıin atap ótti.

Kezdesýden keıin BAQ úshin UQShU PA brıfıngi ótti.

Foto: www.election.gov.kz