UQShU oqý-jattyǵýlary: Qazaqstannan Reseıge áskerı tehnıka temirjol arqyly tasymaldanady
ASTANA. KAZINFORM – 24 qyrkúıek — 3 qazan aralyǵynda Reseı Federatsııasynyń aýmaǵynda Ujymdyq qaýipsizdik týraly shart uıymynyń (UQShU) «Ózara is-qımyl — 2026», «Іzdeý-2026» jáne «Eshelon-2026» oqý-jattyǵýlaryn ótkizýi josparlanǵan.
Oqý-jattyǵýlarǵa daıyndyq jáne ony ótkizý kezeńinde, 21 qyrkúıek — 5 qazan aralyǵynda Qazaqstan Respýblıkasy aýmaǵynan Mısıaş stansasyna deıin (Chelıabi oblysy, Reseı) jáne keri qaraı temirjol kóligimen áskerı tehnıka men jeke quramnyń josparly qozǵalysy júzege asyrylady.
Oqý-jattyǵýlar barysynda dalalyq sabaqtar ótkizilip, onyń aıasynda sherý daıyndyǵy, bólimshelerdi basqarý jáne qoıylǵan mindetterdi oryndaý pysyqtalady.
Іs-sharalar UQShU-ǵa múshe memleketterdiń jaýyngerlik daıarlyq boıynsha bekitilgen josparlaryna sáıkes júrgiziledi.
«Ózara is-qımyl — 2026», «Іzdeý-2026» jáne «Eshelon-2026» oqý-jattyǵýlary turaqty negizde Uıymǵa múshe memleketterdiń aýmaǵynda kezekpen ótedi.
— Azamattardan, buqaralyq aqparat quraldarynyń ókilderinen jáne áleýmettik jeli paıdalanýshylarynan tekserilmegen aqparatty taratpaýdy jáne resmı derekkózderde jarııalanǵan málimetterge ǵana nazarǵa alýdy suraımyz.
Jalǵan aqparatty taratý jáne shyndyqqa sáıkes kelmeıtin málimetterdi jarııalaý Qazaqstan Respýblıkasynyń zańnamasyna sáıkes jaýapkershilikke ákep soǵatynyn eske salamyz, — delingen Qorǵanys mınıstrliginiń habarlamasynda.
Aıta ketelik UQShU Syrtqy ister mınıstrleri Qazan qalasynda bas qosatyny týraly jazǵan edik.
