UQShU-nyń birikken shtaby Qazaqstanda bolǵan oqıǵalarǵa taldaý jasamaq

NUR-SULTAN. QazAqparat – UQShU Birikken shtaby bastyǵynyń orynbasary, avıatsııa general-maıory Turaly Qoıshyqulov Qazaqstanda bolǵan oqıǵany birlesip taldaý josparda bar ekenin aıtty, dep habarlaıdy QazAqparat tilshisi.

«Ujymdyq qaýipsizdik týraly shart uıymynyń birikken shtaby daǵdarystyń alǵashqy mınýttarynan bastap bul uıymǵa múshe memleketter qorǵanys vedomstvolarynyń qyzmetin úılestirý maqsatynda kúsheıtilgen rejımde jumys istedi.

Birikken shtabtyń basty mindeti Qazaqstan Respýblıkasynyń aýmaǵynda uıymnyń Ujymdyq bitimgershilik kúshterin qurý, qaıta toptastyrý jáne óristetý, sondaı-aq bitimgershilik operatsııalardy daıyndap, olardy ótkizý jónindegi qarýly kúshter bas shtabtarynyń ózara is-qımylyn uıymdastyrý boldy», - degen UQShU ókili birikken shtab elde bolǵan tártipsizdikterge taldaý júrgizetinin aıtty.

«Qazirgi ýaqytta bolǵan oqıǵalarǵa taldaý júrgizip jatyrmyz. UQShU-nyń daǵdarystyq jaǵdaılarǵa den qoıý tetikterin jetildirý, Daǵdarysqa den qoıý ortalyǵynyń qyzmeti, Uıym áskerlerin (ujymdyq kúshterin) materıaldyq-tehnıkalyq jáne medıtsınalyq qamtamasyz etý júıesiniń, sondaı-aq Uıymnyń qyzmetin aqparattyq qamtamasyz etýdiń joldary josparlandy. Bolashaqta UQShU-ǵa múshe memleketterdiń qorǵanys vedomstvolarymen bizdiń birlesken qyzmetimiz boıynsha tujyrymdar men usynymdar jasalady», - dedi Turaly Qoıshyqulov.