UQShU-nyń syrtynda bolǵansha ishinde bolǵan árdaıym jaqsy - Qaırat Omarov
Ujymdyq qaýipsizdik sharty uıymynyń Belarýs astanasyndaǵy jıynynda Qazaqstan uıymnan shyǵý týraly bastama kótere me? Májilistiń jalpy otyrysynda BAQ ókilderi Syrtqy ister mınıstriniń birinshi orynbasary Qaırat Omarovqa osyndaı suraq qoıdy, dep habarlaıdy Kazinform.
«Ujymdyq qaýipsizdik shart uıymyna múshe memleketterdiń eshbirinen músheligin toqtatý týraly ótinim túsken joq. Sondyqtan UQShU quramynan qandaı bir ózgeris kútip otyrǵan joqpyz. Mundaı uıymnyń syrtynda bolǵansha ishinde bolǵan árdaıym jaqsy», - dedi Qaırat Omarov.
Mınıstrdiń birinshi orynbasary Qazaqstannyń da ondaı jospary joq ekenin aıtty.
«Ondaı josparymyz múldem joq. Bul uıymnyń bastaýynda ózimiz turmyz. Ol uıym bizdiń múddemizge jumys istep tur dep esepteımiz. Óıtkeni ondaǵy sheshimderdiń bári ymyra negizinde qabyldanady. ıAǵnı, uıymǵa múshe memlekettiń eshbirine qandaı da bir sheshim kúshtep tańylmaıdy. Sondyqtan uıym bizdiń múddemizge saı, múshe memleketterdiń áriptestigine baılanysty kez kelgen máseleni talqylaýǵa múmkindik berip otyr dep esepteımiz», - dedi ol.
