UQShU-nyń kelesi sammıti 2026 jyly Reseıde ótedi

ASTANA.KAZINFORM - UQShU keńesiniń kelesi kezekti sessııasy 2026 jyldyń tórtinshi toqsanynda Reseı Federatsııasynda ótedi, dep habarlaıdy Kazinform  menshikti tilshisi.

ҰҚШҰ Ұжымдық қауіпсіздік кеңесі
Фото: Ақорда

- UQShU tóraǵalyǵy 2026 jyldyń 1 qańtarynda Reseıge ótetinin eskere otyryp, UQShU Ujymdyq qaýipsizdik keńesiniń kelesi otyrysyn 2026 jyldyń 11 qarashasynda Reseı Federatsııasynda ótkizý usynylyp otyr. Qarsylyqtar bolmasa, bul máseleni kelisilgen dep sanap, men qol qoıǵan tıisti hattamalyq sheshimmen rásimdeýdi usynamyn, - dedi Qyrǵyzstan prezıdenti Sadyr Japarov UQShU-nyń keńeıtilgen sessııasynda.

Buǵan deıin Qyrǵyzstan prezıdenti Sadyr Japarov aımaqtyq jáne jahandyq qaýipsizdiktiń negizgi aspektileri boıynsha ashyq pikir almasý bolǵan shekteýli qatysýshy otyrystyń nátıjelerin qysqasha qorytyndylaǵan bolatyn.

2026 jyly Ujymdyq qaýipsizdik týraly shart uıymynyń bas hatshysy Imanǵalı Tasmaǵambetovtiń ornyna Qyrǵyzstan ókili Taalatbek Masadykov keledi.

Buǵan deıin Memleket basshysy Qasym-Jomart Toqaev Bishkekte ótken Ujymdyq qaýipsizdik týraly shart uıymynyń Ujymdyq qaýipsizdik keńesiniń kezekti otyrysyna qatysty.

Сейчас читают