UQShU-nyń Bas hatshysy taǵaıyndaldy
ASTANA.KAZINFORM — UQShU Bas hatshysy qyzmetine qazirgi ýaqytta uıymnyń orynbasary bolyp istep júrgen Qyrǵyzstan ókili Taalatbek Masadıkov taǵaıyndalatyn boldy. Bul týraly RIA Novostı agenttigi Reseı Federatsııasy prezıdentiniń kómekshisi ıÝrıı Ýshakovqa silteme jasap habarlady, dep jazdy Armenpress.
Taalatbek Masadıkov qyzmetine 2026 jylǵy 1 qańtardan kirisedi.
— Qazir sheshim qabyldandy: Qyrǵyzstan ókili jáne qazirgi ýaqytta UQShU Bas hatshysynyń orynbasary bolyp isteıtin Masadıkov uıymnyń Bas hatshysy qyzmetin atqarady, — dedi Ýshakov.
Sonymen qatar, ol Armenııa 27 qarashada Qyrǵyzstanda ótetin ODKB sammıtine qatyspaıtynyn aıtty. Degenmen, Erevan sammıtte kelisilgen qujattardy qabyldaýǵa qarsy emes ekenin bildirdi.
2024 jylǵy aqpanda Armenııa Premer-mınıstri Nıkol Pashınıan eliniń UQShU-ǵa músheligin toqtatqanyn málimdegen edi. Sol kúnnen bastap Armenııa UQShU sheńberinde uıymdastyrylǵan is-sharalarǵa qatyspaıdy jáne múshelik jarnalardy tólemeıdi.
Eske sala keteıik, buǵan deıin Bishkekte Qyrǵyzstannyń tóraǵalyǵymen Ujymdyq qaýipsizdik týraly shart uıymynyń Ujymdyq qaýipsizdik keńesiniń kelesi sessııasy ótetinin jazǵan edik.