UQShU memleketteriniń aýmaqtaryna áskerı ınfraqurylym nysandary ornalastyrylatyn bolady - Májilis

ASTANA. 25 jeltoqsan. QazAqparat - Búgin QR Parlamenti Májilisiniń jalpy otyrysynda palata depýtattary «Ujymdyq qaýipsizdik týraly shart uıymyna múshe memleketterdiń aýmaqtaryna áskerı ınfraqurylym nysandaryn ornalastyrý týraly hattamany ratıfıkatsııalaý týraly» zań jobasyn maquldady.

UQShU múshe memleketterdiń aýmaqtaryna áskerı ınfraqurylym obektilerin ornalastyrý týraly hattama 2011 jylǵy 20 jeltoqsanda Máskeýde jasalǵan.

Hattamaǵa sáıkes, Ujymdyq qaýipsizdik týraly shart uıymyna múshe memleketter osy uıymdaǵy basqa memlekettermen keliskennen keıin jáne olardyń resmı qarsylyqtary bolmaǵan kezde uıymnyń músheleri bolyp tabylmaıtyn elderdiń áskerlerin, áskerı ınfraqurylym obektilerin óz aýmaqtaryna ornalastyrý týraly sheshim qabyldaıdy. «Bul shara shuǵyl konsýltatsııalardy ótkizgennen (keliskennen) keıin jáne olardyń resmı qarsylyqtary bolmaǵan kezde júzege asyrylady», - deıdi qosymsha baıandama jasaǵan depýtat Baqytjan Ertaev.