UQShU memleketteri aqparattyq qaýipsizdik salasyndaǵy qylmystarmen birlese kúresedi

ASTANA. QazAqparat - Búgin Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Ujymdyq qaýipsizdik týraly shart uıymyna múshe-memleketterdiń aqparattyq saladaǵy qylmystyq áreketterge qarsy ózara árekettesý týraly hattamany ratıfıkatsııalaý týraly» zań jobasy talqylandy.

Atalǵan hattamaǵa UQShU memleketter basshylary 2014 jyldyń jeltoqsan aıynda Máskeýde qol qoıǵan.

Hattama UQShU aıasyndaǵy arnaıy qyzmet organdarynyń aqparatpen almasý, birlesken is-sharalar men ǵylymı zertteýler júrgizý, sondaı-aq, protsessýaldy is-qımyldar men kadrlar daıarlaý boıynsha ózara árekettesý tártibin aıqyndaıdy. Budan bólek, qujat yntymaqtastyq tıimdiligin arttyrýǵa, aqparattyq tehnologııalardy paıdalaný arqyly jasalatyn qylmystardyń ósýin boldyrmaýǵa septigin tıgizedi.

«Hattamada taraptardyń aqparattyq saladaǵy qylmystarǵa qarsy is-áreketteri boıynsha ózara jumys isteý tártibi anyqtaldy. Budan bólek, qujat aqparattyq qaýipsizdik júıesin qalyptastyrýǵa, aqparat salasyndaǵy yqpal etýler men tótenshe jaǵdaılardy boldyrmaýǵa baǵyttalady. Hattamany iske asyrý úshin Uıymǵa qatysýshy memleketter birlesken is-qımyldardy da atqaryp jatyr», - deıdi komıtet tóraǵasy Ikram Adyrbekov.

Zań jobasy palatanyń aldaǵy ýaqytta ótetin jalpy otyrysyna shyǵarylatyn bolady.