UQShU kúshteriniń mártebesi týraly qujatqa qol qoıamyz – Toqaev

ASTANA. KAZINFORM – Memleket basshysy Qasym-Jomart Toqaev UQShU Ujymdyq qaýipsizdik keńesi sessııasynyń keńeıtilgen otyrysynda Qazaqstan tóraǵalyǵymen ótken jyldyń negizgi qorytyndysyn málim etti.  

«Jyl boıy Ujymdyq qaýipsizdik júıesiniń kúshteri men quraldardyń jaýyngerlik daıarlyǵyna erekshe nazar aýdaryldy. Búgin biz eki halyqaralyq kelisimderdiń eki hattamasyna qol qoıamyz. Biri – UQShU kúshteri men quraldarynyń mártebesi týraly, ekinshisi Áskerı kontıngentterdi tasymaldaý máselelerin qamtıdy», - dedi Prezıdent.

Qasym-Jomart Toqaev UQShU elderi bitimgershilik kontıngentteriniń daǵdylary men daıyndyq deńgeıin arttyrý jumystary jalǵasyp jatqanyn atap ótti.

«Qazaqstannyń bastamasy boıynsha bıyl alǵash ret qarý-jaraqtyń, oq-dárilerdiń zańsyz aınalymyna jáne uıymdasqan transulttyq qylmysqa qarsy is-qımyl máseleleri boıynsha konsýltatsııalar ótkizildi. UQShU sheńberinde beıindi jumys tobyn qurý máselesi pysyqtalýda. 

Múmkindikti paıdalana otyryp, UQShU-nyń Bas hatshysyna, turaqty keńesine jáne jumys organdaryna úlken paıdaly jumys istegeni úshin alǵys aıtqym keledi. Birlesken kúsh – jigermen biz alǵa qoıǵan joǵary maqsattarǵa qol jetkizetinimizge senimdimin», - dedi Memleket basshysy.