UQShU qorǵanys mınıstrleriniń kelesi otyrysy kúzde Astanada ótedi
ALMATY. KAZINFORM – Qazaqstannyń Qorǵanys mınıstri Uıymǵa múshe memleketterdiń áskerı saıasat, áskerı damý jáne áskerı-tehnıkalyq yntymaqtastyq salasyndaǵy ózara is-qımylyn úılestirý máseleleri boıynsha Uıymnyń konsýltatıvtik-atqarý organy jumysynyń qorytyndysyn jarııalady.
Rýslan Jaqsylyqovtyń aıtýynsha, taraptar birlesken sharalardy ázirleý maqsatynda áskerı-saıası jaǵdaıdy jáne onyń damý tendentsııalaryn baqylaý nátıjeleri boıynsha turaqty aqparat almasýdy jalǵastyrý týraly sheshim qabyldady.
«Otyrys qorytyndysy boıynsha oqý-jattyǵýlardy daıyndaý men ótkizýge, ujymdyq kúshterdi jaraqtandyrýǵa, Birikken shtabtyń qyzmetine, 2025 jyly birlesken daıyndyq is-sharalaryna jáne olardy qarjylandyrý máselelerine qatysty birqatar qujattarǵa qol qoıyldy», – dep túıindedi ol.
Qorǵanys mınıstrleri keńesiniń kelesi otyrysy osy jyldyń qarasha aıynda Astanada
Ujymdyq Qaýipsizdik Keńesiniń sessııasy qarsańynda ótedi.
Esterińizge sala keteıik, is-shara Qazaqstannyń Ujymdyq qaýipsizdik týraly shart uıymyna tóraǵalyq etýi aıasynda ótti.
Buǵan deıin UQShU Ujymdyq qaýipsizdik aımaqtaryndaǵy áskerı qaýipsizdikke qatysty syn-tegeýrinder men qaýip-qater týraly uıymnyń bas hatshysy Imanǵalı Tasmaǵambetov baıandama jasaǵany týraly jazǵan edik.
