UQShU kómegine júginý Qazaqstannyń egemendigin shektemeıdi – sarapshy
QR Prezıdenti janyndaǵy Qazaqstan strategııalyq zertteý ınstıtýty dırektorynyń orynbasary Sanat Kóshkimbaev «Habar 24» telearnasyna bergen suhbatynda osyndaı pikir bildirdi, dep habarlaıdy QazAqparat tilshisi.
«Árıne, buǵan deıin mundaı oqıǵa bolyp kórmegen. Bárinen buryn Ujymdyq qaýipsizdik týraly shart uıymynyń mandaty syrtqy agressııadan qorǵaýmen baılanysty. Biraq, Prezıdent aıtqandaı, bul jerde áńgime halyqaralyq kontekstegi ahýalmen baılanysty bolyp otyr. ıAǵnı, bul halyqaralyq terrorıstik toptar. Sondyqtan qalyptasqan jaǵdaıda Prezıdenttiń Ujymdyq qaýipsizdik týraly shart uıymyna shuǵyl tártippen júginý mandaty bar», - dedi Sanat Kóshkimbaev.
Sondaı-aq, ol Ujymdyq qaýipsizdik týraly shart uıymyna múshe elder bul mindettemelerdi erikti túrde oryndaıtynyn atap ótti.
«Birinshiden, Ujymdyq qaýipsizdik týraly shart uıymyna múshe elderdiń bul mindettemeleri erikti ekenin aıtý kerek. Bul jerde Qazaqstannyń aldyna mindettemeler qoıylmaıdy. Biz olardy tótenshe jaǵdaı rejımi kezeńinde ǵana engizemiz. Sondyqtan munyń egemendikti shekteýmen eshbir baılanysy joq. Bul naqty kúshtik operatsııa jáne ahýaldy turaqtandyrý úshin kórsetilip otyrǵan kómek qana», - dedi sarapshy.
