UQShU qaýipsizdik keńesiniń kelesi sessııasy Bishkekte ótedi

ASTANA. KAZINFORM – UQShU qaýipsizdik keńesiniń kelesi sessııasy Bishkekte 2025 jyly ótedi. Bul týraly UQShU Ujymdyq qaýipsizdik keńesi kezekti sessııasynyń keńeıtilgen quramdaǵy otyrysynda Memleket basshysy Qasym-Jomart Toqaev aıtty.

«UQShU qaýipsizdik keńesiniń kelesi sessııasyn 2025 jyldyń IV toqsanynda Qyrǵyz Respýblıkasynda ótkizý usynylady. Eger qarsylyq bolmasa, bul máseleni kelisildi dep sanap, tıisti hattamalyq sheshimdi rásimdeýdi usynamyn. Qarsylyq joq», - dedi Qasym-Jomart Toqaev.

Aıta keteıik, UQShU-nyń qaýipsizdik keńesiniń kezekti sessııasy shaǵyn jáne keńeıtilgen quramda ótti. Onda Memleket basshysy Qazaqstan tóraǵalyq etken kezeńde UQShU-nyń aldyndaǵy mindetterdiń bári oryndalǵanyn aıtty. 

Sondaı-aq UQShU ujymdyq qaýipsizdikti qamtamasyz etýge baǵyttalǵan tıimdi jáne suranysqa ıe halyqaralyq qurylym retinde áreket etetindigine nazar aýdartty.