UQShU-ǵa múshe memleketterdiń kelisimderdi ratıfıkatsııalaý týraly zań jobalary qaraldy
2015 jyly 15 qyrkúıekte Dýshanbede qol qoıylǵan kelisim UQShU-ǵa múshe memleketterdiń áskerı jáne basqa da quralymdaryn, olardyń jyljymaly múlkin, sondaı-aq áskerı maqsattaǵy ónimdi tasymaldaý salasyndaǵy ózara is-qımylyn retteıdi. Qujat osy tasymaldaýdy josparlaý jáne iske asyrý barysynda halyqaralyq quqyqtyń jalpyǵa birdeı moıyndalǵan qaǵıdalary men erejeleri negizinde ózara is-qımyl tártibin aıqyndaıdy.
Komıtet músheleri sonymen qatar «2003 jylǵy 28 sáýirdegi Ujymdyq qaýipsizdik týraly shart uıymyna múshe memleketterdiń temir joldaryn tehnıkalyq búrkemeleýdiń biryńǵaı júıesin qurý týraly kelisimniń qoldanys merzimin uzartý jáne oǵan ózgerister engizý týraly hattamany ratıfıkatsııalaý týraly» zań jobasyn da talqylady.
2015 jylǵy 15 qyrkúıekte Dýshanbede qol qoıylǵan Hattama 2003 jylǵy 28 sáýirdegi Kelisimniń merzimi 2016 jyly 23 qańtarda aıaqtalýyna baılanysty onyń qoldanys merzimin uzartýdy kózdeıdi. Odan basqa, Hattama Memleketaralyq jumys tobyn qurý máseleleri boıynsha UQShU organdarynyń ókilettikterin naqtylaýdy, sondaı-aq UQShU aıasynda qoldanystaǵy kelisimderge siltemelerdi jańartýdy kózdeıdi.
Qujattardy ratıfıkatsııalaý UQShU-na múshe memleketterdiń áskerı-tehnıkalyq yntymaqtastyǵyn damytýǵa, sondaı-aq aımaqtyq jáne ujymdyq qaýipsizdikti odan ári nyǵaıtýǵa járdemdesedi.
Zań jobalary Palatanyń qaraýyna jiberildi.
