UQShU-ǵa múshe elderdiń SІM basshylary aqparattyq qaýipsizdik týraly málimdeme qabyldady
Syrtqy saıası vedomstvolar basshylarynyń otyrysy barysynda jahandyq jáne óńirlik qaýipsizdiktiń ózekti máseleleri, sondaı-aq Belarýste jyldyń ekinshi jartysynda josparlanǵan UQShU Sammıtiniń mereıtoıyna daıyndyq talqylandy.
Q. Ábdirahmanov óz baıandamasynda Qazaqstan negizinde transulttyq sıpattaǵy qazirgi syn-qaterler men qaýipterge qarsy kúres boıynsha birikken sharalarǵa zor mańyz beretinin atap ótti. Ol kıberqaýipsizdik jáne aqparattyq tehnologııalardy zańsyz paıdalaný máselelerine aıryqsha kóńil bóldi, sonymen qatar Prezıdent Nursultan Nazarbaevtyń bastamasymen Qazaqstanda ártúrli aýqymdaǵy hakerlik shabýyldardan qorǵaý maqsatynda qurylatyn «Kıberqalqan» júıesi týraly aıtty.
Bul turǵyda syrtqy saıası vedomstvo basshysy kompıýterlik tosyn oqıǵalarǵa den qoıý boıynsha UQShU Úılestirý konsýltatsııalyq ortalyǵynyń qyzmetin jandandyrýdy, sondaı-aq strategııalyq obektilerdiń qorǵalý deńgeıin joǵarylatý úshin jańa zerttemeler boıynsha tájirıbeler, aqparattar almasýda sarapshylarmen is júzinde ózara is-qımyl jasaýdy jolǵa qoıýdy usyndy.
Sonymen qatar, Qazaqstannyń Syrtqy ister mınıstri ekstremızm men terrorızmge qarsy kúres jóninde ulttyq deńgeıde júrgizilip jatqan jumystar týraly aqparat berdi.
UQShU-ǵa múshe memleketter SІM basshylarynyń nazary qaıtadan Qazaqstan basshysynyń BUU sheńberinde tıisti bastamalaryna aýdy.
Kezdesý qatysýshylary Sırııadaǵy jaǵdaıdy retteý boıynsha Astana protsesiniń barysy týraly aqparattandyryldy.
Otyrys barysynda qazaqstandyq tarap bastamashylyq jasaǵan áskerı-tehnıkalyq yntymaqtastyqtyń negizgi qaǵıdattary týraly Kelisimge ózgerister maquldandy. Atap aıtqanda, áriptesterge jeńildikti sharttarda tasymaldanatyn áskerı maqsattaǵy ónimderge baǵa belgileý tártibi aıqyndalady.
UQShU-ǵa múshe memleketterdiń syrtqy ister mınıstrleri Aqparattyq qaýipsizdikti qamtamasyz etý boıynsha birlesken sharalar týraly málimdeme qabyldady, onda aqparattyq tehnologııalardy qoldaný arqyly jasalǵan qylmystyń ósýine alańdaýshylyq atap ótiledi. Taraptar atalǵan saladaǵy qylmystarǵa qarsy kúres boıynsha belsendi jumystardy jalǵastyrý nıetterin bildirdi.
UQShU SІMK janyndaǵy Aýǵanstan boıynsha Jumys tobynyń qyzmetin jandandyrý týraly sheshim qabyldandy.
Kezdesý qorytyndysy boıynsha 2017 jylǵa arnalǵan birlesken málimdemeler taqyryptarynyń Tizbesi jáne UQShU-ǵa múshe memleketter ókilderiniń 2017 jylǵy ekinshi jartyjyldyqqa jáne 2018 jylǵy birinshi jartyjyldyqqa arnalǵan syrtqy saıasat, qaýipsizdik jáne qorǵanys máseleleri boıynsha konsýltatsııalarynyń Jospary bekitildi.
Sondaı-aq, delegatsııa basshylary jáne UQUSh bas hatshysy Belarýs Respýblıkasynyń Prezıdenti Aleksandr Lýkashenkomen kezdesti.
Aıta keteıik, Ujymdyq Qaýipsizdik týraly Shart Uıymy 2002 jyly 7 qazanda Kıshınev qalasynda óńirlik halyqaralyq uıym retinde TMD-ǵa múshe alty memleket basshysy qol qoıǵan UQSh Uıymynyń Jarǵysyna jáne 2003 jyly 18 qyrkúıekte kúshine engen UQShU quqyqtyq mártebesi týraly Kelisimge sáıkes quryldy.
UQShU 1992 jyly 15 mamyrda Tashkent qalasynda TMD-ǵa múshe alty memleket basshysy qol qoıǵan Ujymdyq qaýipsizdik týraly kelisimniń quqyqtyq mırasqory bolyp tabylady. Shart Uıymǵa múshe memleketterge UQShU múshesi bolyp tabylmaıtyn memleket tarapynan qarsy agressııa aktisi jasalǵan jaǵdaıda BUU Jarǵysynyń 51-babyna sáıkes ujymdyq ózin-ózi qorǵaý quqyǵyn júzege asyrý tártibinde járdem kórsetedi.
Bıylǵy jyly Ujymdyq aýipsizdik týraly artqa qol qoıylǵanyna 25 jyl jáne Uıymnyń qurylǵanyna 15 jyl tolady.
