UQShU elderinde kóshi-qon zańnamasyn buzýdyń 140 myń oqıǵasy tirkelgen

ASTANA. QazAqparat - TMD elderinde júrgizilgen arnaıy is-shara barysynda mıgratsııalyq izdeýde júrgen 477 adam ustalǵan. Bul týraly búgin UQShU bas xatshysynyń orynbasary Valerıı Semerıkov málim etti, dep xabarlaıdy QazAqparat.

«Bıyl mamyrda jáne qyrkúıekte júrgizilgen «Zańsyz mıgrant» is-sharasy kezinde UQShU elderinde kóshi-qon zańnamasyn buzýdyń 140 myń oqıǵasy tirkelgen. 2 myńnan astam qylmystyq is qozǵaldy. TMD elderinde mıgratsııalyq izdeýde júrgen 477 adam ustaldy. Salynǵan aıyppul kólemi 4,5 mln. dollardy qurady», - dedi ol Astanada uıymǵa múshe elderdiń zańsyz mıgratsııamen kúres organdarynyń úılestirý keńesiniń otyrysynda.

«Eger 2008 jyly UQShU elderiniń aýmaǵynda mıgratsııalyq zańnamany buzýdyń 72 myńnan astam oqıǵasy tirkelgen bolsa, 2016 jyly bqul kórsetkish 140 myńnan asady. Ósim eki esege kóp», - dep jalǵady sózin Semerıkov.

Onyń sózinshe, jaǵdaıdyń bulaısha sıpat alýyna Taıaý Shyǵystaǵy bosqyndardyń aımaqqa kóptep aǵylýy sebep bolyp otyr. Bunyń aldynda xabarlanǵanyndaı, 2016 jyly Sırııa, Lıvan, Irak jáne Iemenniń 70 myńǵa tarta zańsyz mıgranty UQShU aýmaǵyna ótip ketken.