UQShU-daǵy seriktesterdiń moraldy qoldaýy mańyzdy - Qasym-Jomart Toqaev

NUR-SULTAN. QazAqparat – Ujymdyq qaýipsizdik týraly shart uıymyndaǵy (UQShU) seriktesterdiń áskerı ǵana emes, sonymen qatar moraldy qoldaýy mańyzdy. UQShU Ujymdyq qaýipsizdik keńesiniń kezekten tys sessııasynda QR Prezıdenti Qasym-Jomart Toqaev osylaı málim etti, dep habarlaıdy QazAqparat tilshisi.

«Shyn máninde, UQShU-ǵa múshe memleketterdiń biriniń qaýipsizdigin, turaqtylyǵy men tutastyǵyn qamtamasyz etý úshin Uıymnyń bitimgerlik kúshteriniń aýqymdy túrde jumyldyrylý jaǵdaıy birinshi ret bolyp otyr. Biz úshin UQShU boıynsha áriptesterimizdiń áskerı ǵana emes, moraldyq qoldaý kórsetýi de asa mańyzdy», - dedi QR Prezıdenti.

Memleket basshysy Uıymǵa múshe memleketterdiń bári birtutas maıdan bolyp, Qazaqstannyń úndeýin biraýyzdan qoldaǵanyn atap ótti.

Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.

Eske salaıyq, QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.