UQShU-da BUU Bas Assambleıasynyń sessııasy qarsańynda ustanymdardy kelisý jóninde konsýltatsııalar ótti
UQShU baspasóz hatshysy Vladımır Zaınetdınovtiń habarlaýynsha, konsýltatsııalarǵa syrtqy ister mınıstrliginiń beıindik bólimsheleriniń basshylary, UQShU janyndaǵy múshe-memleketterdiń ýákiletti ókilderi, UQShU múshe-memleketteri elshilikteriniń ókilderi jáne UQShU Hatshylyǵynyń qyzmetkerleri qatysty. Otyrys UQShU Bas hatshysynyń orynbasary Gennadıı Nevygastyń tóraǵalyǵymen aldyn ala bekitilgen josparǵa sáıkes ótti.
Konsýltatsııalarǵa qatysýshylar UQShU múshe-elderiniń BUU-daǵy delegatsııalarynyń tyǵyz yntymaqtastyqty jalǵastyrýy qajettigin atap ótti jáne aldaǵy BUU Bas Assambleıasy barysyndaǵy ózara is-qımyl máselelerin talqylady. BUU-ny, sonyń ishinde Qaýipsizdik Keńesin reformalaý, Aýǵanstandaǵy jaǵdaıǵa, sırııalyq retteý, BUU-nyń lańkestikke qarsy jumysy, qorshaǵan ortany qorǵaý salasyndaǵy kópjaqty yntymaqtastyq, BUU organdarynyń aldaǵy saılaýy máselelerine pikir alysý barysynda erekshe kóńil bólindi.
«Konsýltatsııalar BUU Bas Assambleıasynyń 68-shi sessııasynyń kún tártibine engizilgen tarmaqtardy qaraý boıynsha UQShU múshe-memleketteriniń ustanymdaryn kelisýge járdemdesti. Taraptar osy halyqaralyq uıym aýqymyndaǵy is júzindegi ózara is-qımyldy úılestirýdi odan ári tereńdetýge umtylysyn qýattady», - delingen habarlamada.
Eske sala keteıik, 68-shi sessııanyń ashylýy 2013 jylǵy 17 qyrkúıekte BUU-nyń Nıý-Iorktegi shtab-páterinde bolady. 24 qyrkúıekten 2 qazanǵa deıingi kezeńde BUU Bas Assambleıasy sessııasyna qatysýshylardyń jalpy jaryssózi ótkiziledi.
