UQShU bitimgerlik kúshteri beıbitshilikti saqtaý boıynsha operatsııalardy oryndady
N. Ermekbaev bólimshelerdiń úılesimdiligine, áskerı qyzmetshilerdiń kásibı biliktilikterine baǵa berdi.
Oqý-jattyǵýdyń stsenarııi boıynsha uıymdastyrylǵan bandylyq toptar Aýǵanstan jaǵynan Tájikstan shekarasyn jaryp ótip, respýblıkanyń shekara otrıadtarymen urysty bastady. UQShU Ujymdyq bitimgershilik kúshteri halyqaralyq terrorızmge qarsy kúres jáne Ortalyq Azııa strategııalyq baǵytynda qaýipsizdikti qamtamasyz etý boıynsha birlesken operatsııany tabysty ótkizdi.
Oqý-jattyǵýdyń sońǵy kezeńinde bitimgerlerdiń qyzmetine qatysty: aımaqty kúzetý, ótkizý-baqylaý pýnkterindegi qyzmetti uıymdastyrý, kolonnalarǵa ilesip júrý kezinde jeke quramnyń is-áreketi, eldi mekendi buǵattaý jáne basqada tikeleı qyzmetterine qatysty jaıttardy qamtıtyn beıbitshilikti saqtaý boıynsha máseleler qaraldy.
Qazaqstannan praktıkalyq is-áreketterde Birlesken bitimgerlik kúshterdiń quramynda Qurlyq áskerleriniń bólimsheleri, onyń ishinde bitimgerlik rotasy, sonymen qatar Áýe qorǵanys kúshterinen – Sý-30 SM joıǵyshtar bólimi qatysty. Áskerı avıatsııa oqý-jaýyngerlik mindetterin ornalasý áýeaılaǵynan oryndady.
«Myzǵymas baýyrlastyq - 2019» oqý-jattyǵýy Ortalyq Azııadaǵy beıbitshilik baǵytyndaǵy UQShU memleketteri oqý - jattyǵýlarynyń quramdy bóligi retinde esepteledi. Sonymen qatar, onyń taǵy da bir ereksheligi uıymnyń Armenııa, Belarýs, Qazaqstan, Qyrǵyzstan, Reseı men Tájikstan syndy alty memleketiń áskerı kontıngentteriniń ujymdyq birlesken is-áreketi.
Tájikstanǵa sapardyń mańyzdy bóligi Tájik-Aýǵan shekarasyn qorǵaý boıynsha qyzmet atqarý kezinde qaza tapqan qazaqstandyq jaýyngerlerge arnalǵan memorıalǵa baryp, batyrlardy eske alý qurmetine gúl shoqtaryn qoıý boldy.
Budan basqa, mınıstr TR Qorǵanys mınıstrliginiń Áskerı ınstıtýty men Kohı Navrýz Tarıhı saraıyn aralady.
