UQShU Birikken Ulttar Uıymymen bitimgershilik qyzmet josparyn bekitti

ASTANA. QazAqparat - Ujymdyq qaýipsizdik týraly shart uıymynyń Turaqty keńesi BUU múddesindegi halyqaralyq bitimgershilik qyzmet boıynsha «jol kartasyn» maquldady, dep habarlaıdy QazAqparat UQShU baspasóz qyzmetine silteme jasap.

«Aǵymdaǵy jyldyń 30 qańtary kúni UQShU Bas hatshysynyń orynbasary Valerıı Semerıkov, UQShU Hatshylyǵy bólimsheleriniń jetekshileri men qyzmetkerleri jáne UQShU Birikken shtabynyń ókilderi UQShU Turaqty keńesiniń otyrysyna qatysty. Otyrys barysynda UQShU-ǵa múshe memleketterdiń eskertpeleri men usynystary eskerile otyryp jetildirilgen «(2018-2021 jyldarǵa arnalǵan) Birikken Ulttar Uıymynyń halyqaralyq bitimgershilik qyzmeti múddesindegi Ujymdyq qaýipsizdik týraly shart uıymynyń bitimgershilik áleýetin qoldaný úshin jaǵdaılardy qalyptastyrý» - «Jol kartasy» jobasy qaraldy jáne maquldandy, - delingen UQShU resmı saıtynda jarııalanǵan habarlamada.