UQShU basshylar 14 qyrkúıekte Dýshanbege keledi

ASTANA. QazAqparat - Ujymdyq qaýipsizdik týraly shart uıymy Keńesiniń ujymdyq qaýipsizdik týraly sessııasy, sondaı-aq Syrtqy ister mınıstrleri Keńesi, Qorǵanys mınıstrleri keńesi, UQShU Qaýipsizdik keńesteri hatshylary komıtetiniń biresken otyrysy 15 qyrkúıekte Dýshanbede ótedi.

Bul týraly uıymnyń resmı saıtynda habarlandy.

UQShU-ǵa múshe memleketter basshylary men resmı delegatsııa Dýshanbege 14 qyrkúıekte keledi.

Sol kúni ekijaqty kezdesýler josparlandy.

Prezıdentter qaraýyna birqatar ózekti máselelerdi shyǵarý josparlanýda. Memleket basshylary Ujymdyq kúshterdiń Tájikstan aýmaǵynda osy jyly 12-22 mamyr aralyǵynda ótken maqsatty tapsyrmalardy oryndaýǵa jedel den qoıýyn kútpegen jerden tekserý barysyn, Uıymnyń áskerı quramyn odan ári damytý máselelerin talqylaıdy.

Prezıdentter jaýapkershilik aımaǵyndaǵy jaǵdaı týraly pikir almasady. 2015-2016 jj. UQShU tóraǵalyǵy Armenııa Respýblıkasyna aýysatynyn eskerip, el Prezıdenti Serj Sargsıan UQK-ge óziniń tóraǵalyǵy kezeńinde kelesi sessııaaralyq kezeńde iske asyrýǵa josparlaǵan Armenııanyń basymdyqtaryn usynady.

UQShU Bas hatshysy Nıkolaı Bordıýja óziniń jyl saıynǵy baıandamasynda 2014-2015 jj UQShU qyzmeti men UQK aldyńǵy sessııasynda qabyldanǵan sheshimderin iske asyrý máseleleri jaıynda habardar etedi.

Ujymdyq qaýipsizdik keńesiniń málimdemesi qabyldanady dep kútilýde, onda Uıymnyń 2014-2015 jj jasaǵan jumystarynyń qorytyndylary shyǵarylady jáne damý perspektıvalary aıqyndalady. Sondaı-aq kún tártibinde UQShU Áskerleri (Ujymdyq kúshteri) basqarý júıesi týraly qujattarǵa, Áskerı jáne basqa da quramalardy, olardyń jyljymaly múligin, áskerı maqsattaǵy azyq-túlikterin tasymaldaý salasyndaǵy yntymaqtastyq týraly kelisimge, temir joldardy tehnıkalyq búrkemeleýdiń biryńǵaı júıesin qurý týraly kelisimniń qoldanys merzimin uzartý týraly hattamaǵa, Tótenshe jaǵdaılar jónindegi úılestirýshi keńesi men UQShU Hatshylyǵynyń qyzmetin jetildirý týraly UQK sheshimine qol qoıylyp, Uıymnyń bıýdjeti bekitiledi.

2015 jyly Tájikstan UQShU-ǵa tóraǵalyq etýde. Qazirgi sátte uıym músheleri Armenııa, Belarýs, Qazaqstan, Qyrǵyzstan, Reseı, Tájistan bolyp tabylady.