UQShU bas hatshysy uıymnyń 2015 jylǵy qyzmetin qorytyndylady

ASTANA. QazAqparat - Máskeýde Ujymdyq qaýipsizdik shart uıymynyń bas hatshysy Nıkolaı Bordıýja mýltımedııalyq baspasóz máslıhatyn ótkizip, oǵan Astana men Erevandaǵy medıortalyqtar telekópir arqyly tikeleı qosyldy.

Shara barysynda 2015 jylǵy UQShU qyzmetiniń qorytyndysy shyǵarylyp,  sol jyly 21 jeltoqsanda Máskeýde ótken UQShU Ujymdyq qaýipsizdik keńesiniń kezekten tys sessııasynyń nátıjelerine qatysty pikir bildirildi.  Sonymen qatar 2016 jyly uıym aldynda turǵan negizgi mindetter men basymdyqtar, múshe memleketterdiń halyqaralyq lańkestikpen kúresti kúsheıtýi, UQShU-nyń jaýapkershilik aımaǵyndaǵy radıkaldy ıslamdyq fýndamentalızmge qarsy turý, UQShU-nyń áskerı áleýetin jetildirý máseleleri sóz boldy.

Baspasóz máslıhatynyń sońynda 2015 jylǵy jumys qorytyndysy boıynsha BAQ ókilderin, bıliktiń memlekettik organdarynyń baspasóz qyzmetteri qyzmetkerlerin, uıymǵa múshe memleketterdiń kúsh-qýat qurylymdaryn marapattaý rásimi boldy. BAQ ókilderi arasynda «QazAqparat» HAA-nyń ókili de UQShU qyzmetin jan-jaqty nasıhattaǵany úshin uıym bas hatshysynyń alǵys hatymen marapattaldy.