UQShU Bas hatshysy «Ózara is-qımyl-2016» oqý-jattyǵýyna qatysady
ASTANA. QazAqparat - Ujymdyq qaýipsizdik sharttar uıymynyń bas hatshysy Nıkolaı Bordıýja men UQShU Birikken shtabynyń bastyǵy Anatolıı Sıdorov Pskovqa UQShU jedel den qoıý ujymdyq kúshteriniń «Ózara is-qımyl-2016» komandalyq-shtabtyq jattyǵýyna qatysý úshin keldi, dep habarlady TASS UQShU habarlamasyna silteme jasap.
«Jattyǵýdyń qorytyndy kezeńi 18 tamyzda "Strýgı Krasnye" ÁDÁ ortalyq polıgonynda ótedi. Qolbasshylyq ujymdyq qaýipsizdik óńirindegi shekaralyq qarýly qaqtyǵysty oqshaýlaý boıynsha birlesken operatsııany josparlaý máselelerin pysyqtaıdy», - delingen habarlamada.
Sársenbide UQShU JDUK qolbasshylyǵynyń nıeti boıynsha Ivanovodan reseılik desanttar jáne Belarýs pen Qazaqstannan olardyń odaqtastary Mı-8 AMTSh tikushaǵynan qoný tásilimen túsip, shartty qarsylasyna shabýyldap, toıtarys berdi. UQShU Jedel den qoıý ujymdyq kúshterdiń jattyǵýy 16-19 tamyz aralyǵynda ótedi. Budan buryn manevrge alty myńǵa jýyq áskerıler qatysatyny habarlanǵan, bul ótken jylǵydan úsh esege kóp. Jattyǵýǵa 50-den astam ushaq, tikushaqtar tartyldy.
