UQShU Bas hatshysy: Óńirdegi kóshi-qonmen baılanysty jaǵdaı turaqty ári baqylaýda
Ujymdyq qaýipsizdik shart uıymynyń (UShQU) baspasóz hatshysy Vladımır Zaınetdınovtyń aıtýynsha, S.Zas Halyqaralyq kóshi-qon uıymynyń ókilin UQShU aıasyndaǵy kóshi-qonmen baılanysty jaǵdaı jáne uıymnyń zańsyz kóshi-qonmen kúres baǵytynda atqaryp jatqan jumystarmen tanystyrdy.
Ol jahandyq qaýipsizdikti qamtamasyz etý maqsatynda álemdik qoǵamdastyqtyń kúsh biriktiretin ýaqyty jetkendigin eske saldy. UQShU Bas hatshysy 2008 jyldan bastap júrgizilip kele jatqan «Zańsyz kóship konýshy» (Nelegal) halyqaralyq operatsııasynyń nátıjeleri jóninde baıandady.
«Quqyq qorǵaý organdarynyń kúsh biriktirip júrgizgen 25 belsendi sharasynyń arqasynda kóshi-qon zańdaryn buzýshy 1,5 mln adam tabylyp, zańsyz kóship-qoný áreketterin uıymdastyrǵany úshin 13 myń, adam saýdasy úshin 562 qylmystyq is qozǵalyp, 90 mln dollar aıyppul salyndy»,-dedi S.Zas.
UQShU hatshylyǵyna uıymǵa múshe memleketterdiń quqyq qorǵaý qyzmetterinen kelip jatqan materıaldarǵa júrgizilgen taldaý jumystary qazirgi tańda óńirdegi kóshi-qonmen baılanysty jaǵdaıdyń turaqty ári baqylaýda ekenin kórsetti.
«Bul rette aıta ketetin másele, UQShU-ǵa qaraıtyn aýmaqta ishki saıası jaǵdaıy turaqsyz jáne ekonomıkalyq jaǵdaıy kúrdeli Ońtústik-Shyǵys Azııa, Azııa-Tynyq Muhıty óńiri, Taıaý jáne Orta Shyǵystan kóship-qonýshylar legi bar jáne olar Ortalyq Azııa arqyly Reseı men Belarýs memleketterine aǵylyp jatyr. Atalǵan aımaqtar zańsyz kóship-qonýshylar ótetin tranzıtti memleketter sanalady. Bul rette kóship-qonýshylardyń basty turaqtaıtyn jerleri negizinen Eýropalyq Odaqqa múshe memleketter»,-dedi UQShU-nyń Bas hatshysy.
Abdýsattor Esoev bolsa Halyqaralyq kóshi-qon uıymynyń UQShU-men yntymaqtastyqy arttyrýǵa zor mańyz beretinin atap ótti.
Ol Halyqaralyq uıymnyń Máskeýdegi ókildigi UQShU hatshylyǵymen birlesip, UQShU-na múshe memleketterdiń zańsyz kóshi-qon men adam saýdasymen kúres zańnamalaryna Keshendi salystyrmaly-quqyqtyq taldaý júrgizgenin aıtty.
Bul taldaýdyń basty ereksheligi sol, onyń nátıjesinde UQShU-ǵa kiretin memleketterdiń barlyǵynyń zańnamalary zańsyz-kóshi-qon men adam saýdasymen kúres salasyndaǵy jalpyǵa ortaq standarttarmen sáıkes keletini anyqtaldy.
Kezdesý sońynda taraptar UQShU men HKQU arasyndaǵy yntymaqtastyqtyń búgingi jaǵdaıyna qanaǵattanatynyn aıtyp, ekijaqty múddege sáıkes baǵyttar boıynsha yntymaqtastyqtyń tıimdiligin arttyra berýge kelisti.
Narynbek Ysmaǵulov
