UQShU bas hatshysy halyqaralyq uıym basshylaryna Qazaqstandaǵy bitimgerlik operatsııa týraly sheshimdi qalaı jetkizgenin aıtty

NUR-SULTAN. QazAqparat – UQShU bas hatshysy Stanıslav Zas halyqaralyq uıym basshylaryna Qazaqstanǵa bitimgerlik kontıngentti kirgizý týraly sheshimdi qalaı jetkizgenin aıtty, dep habarlaıdy QazAqparat tilshisi.

«Qazaqstan Respýblıkasynyń aýmaǵynda bitimgerlik operatsııa ótkizý týraly qabyldanǵan sheshim jóninde BUU-nyń bas hatshysy arqyly BUU qaýipsizdik keńesiniń músheleri habardar etildi. Sondaı-aq, men EQYU jáne ShYU bas hatshylaryn qulaǵdar ettim.

BAQ ókilderi bir mezgilde máseleni sheshý úshin qabyldaǵan joldar jáne oryndalý mehanızmin túsindirý jumystaryn júrgizdi», - dedi uıymnyń bas hatshysy.

Kezekten tys otyrys kezinde Memleket basshysy Qasym-Jomart Toqaev UQShU elderiniń basshylaryna der kezinde kórsetken qoldaýy úshin alǵys aıtty.

«Aleksandr Grıgorevıch Lýkashenkoǵa, Sadyr Nurǵoja Japarovqa, Emomalı Sharıpovıch Rahmonovqa saıası, tipti jaýyngerlik baýyrlastyq úshin rahmet aıtamyn.

Búgin bizde Qazaqstandaǵy tragedııa kúnderi qaıtys bolǵandardy eske alýǵa arnalǵan jalpyulttyq aza tutý kúni. Sizderge osy oqıǵa boıynsha qaıǵymyzdy bóliskenderińiz úshin shyn júrekten rızamyn.

UQShU bas hatshysy Stanıslav Vasılevıch Zaske, hatshylyqtyń barsha jumylǵan ujymyna, uıymymyzdyń birlesken shtabyna erekshe alǵys aıtamyn», - dedi Memleket basshysy.

Eske salsaq, Mańǵystaý oblysyndaǵy beıbit sherýdiń jalǵasy birqatar óńirde jappaı tártipsizdikke ulasyp, QR Prezıdenti Qasym-Jomart Toqaev Ujymdyq qaýipsizdik shart uıymyna múshe elderdiń basshylarynan terrorlyq syn-qaterdi eńserýd úshin kómek suraǵan bolatyn.

10 qańtar kúni QR Qorǵanys mınıstrligi men UQShU Ujymdyq bitimgershilik kúshter qolbasshylyǵy málimdeme jasady.

Búgin QR Memleakettik hatshysy Erlan Qarın Mańǵystaý oblysynda UQShU áskeri ornalasqan degen aqparatty joqqa shyǵardy.

Onyń aıtýynsha, UQShU áskeri daǵdarys aıaqtalǵannan keıin elderine qaıtady.