UQShU Bas hatshysy AQSh Memlekettik hatshysynyń Ortalyq Azııa isteri jónindegi kómekshisimen kezdesti
MÁSKEÝ. Qazannyń 18-i. QazAqparat /Narymbek Ysmaǵulov/ - Ujymdyq qaýipsizdik týraly shart Uıymynyń Bas hatshysy Nıkolaı Bordıýja búgin Qyrǵyzstan saparynan keıin konsýltatsııa úshin Máskeýge at basyn tiregen AQSh Memlekettik hatshysynyń Ortalyq Azııa isteri jónindegi kómekshisi Sıýzan Elıot hanymmen kezdesti.
UQShU Hatshylyǵynyń baspasóz qyzmetinen habarlaǵandaı, kezdesý barysynda qazannyń 10-yndaǵy parlamenttik saılaýdan keıingi Qyrǵyzstandaǵy ahýal týraly jáne jalpy Ortalyq Azııadaǵy jaǵdaı týraly pikir alysyldy. Qyrǵyzstannyń daǵdarystan shyǵýy jáne eldiń ári qaraı ornyqty damýy úshin barlyq jaǵdaı jasaýǵa ózara múddelilikter bildirildi.
«UQShU Qyrǵyzstan basshylyǵyna ishki jáne syrtqy qaýipsizdikti qamtamasyz etýde, maýsym aıynda oryn alǵan buqaralyq tártipsizdikterdiń saldaryn joıýda jan-jaqty qoldaý kórsetýde», - dedi N.Bordıýja óz sózinde.
