UQShU barlyǵymyz úshin qajet ekenin onyń músheleri túsinip otyr -Nursultan Nazarbaev
Suhbat barysynda arna tilshisi Ujymdyq qaýipsizdik týraly shart uıymy jóninde suraǵan bolatyn. «Siz Ujymdyq qaýipsizdik týraly shart uıymyn qurýǵa bastamashylardyń biri boldyńyz. Uıymnyń 25 jyl burynǵy róli túsinikti. Al onyń búgingi máni nede?», - dedi tilshi.
Óz kezeginde Elbasy UQShU Keńes Odaǵy ydyraǵannan keıin ujymdyq qaýipsizdik týraly shart aıasynda qurylǵanyna toqtalyp, onyń «qyrǵı qabaq soǵys» kezeńindegi Varshava kelisimi, NATO jáne taǵy da basqalarǵa qarsy uıym retinde qurylmaǵanyn nemese ıdeologııalyq teketirespen esh baılanysy joq ekenin jetkizdi.
«Biz ondaı pıǵyldan alys boldyq. Memleketter óz aldyna damyp, táýelsizdikterin nyǵaıtýy qajet edi, aýmaqtyq tutastyqtan aıyrylmaýy mańyzdy bolatyn. Sondyqtan osy baǵytta biz KSRO ydyraǵannan keıingi haosty ujym bolyp ustap turýǵa tyrystyq. Men bundaı qurylymǵa bastamashy bolǵandardyń birimin. Kim qatysqysy keldi - qatysty, qatyspaıtyndar tysqary qaldy. Jalpy alǵanda Ujymdyq qaýipsizdik týraly shart uıymy onyń qatysýshylaryna tıimdi. Birinshiden, bul UQShU músheleriniń beıbit damýyna múmkindik bergen qalqan boldy. Biz birtindep barlyq memleketter úshin áýedegi qaýipsizdikti qalyptastyrdyq. Ujymdyq qaýipsizdik kúshterin oqytý úshin ortaq ujymdyq kúshter jasaqtaldy. Olar búgingi terrorızm, esirtki trafıgi, mıgratsııa, ishki turaqsyzdyq, memlekettiń ishki isine syrttan aralasýshylyq sekildi qaterlerge qarsy turatyn bolady», - dedi N. Nazarbaev.
Elbasy osy ýaqyt aralyǵynda Uıymda úlken ózgerister oryn alǵanyn jetkizdi. «Biz 2025 jyǵa deıingi strategııany daıyndadyq. ıAǵnı, is-qımyldar jospary on jyl ilgeri jasaldy. Bul UQShU úshin úlken jetistik. Men osy uıymǵa qatysýshy barlyq múshe-memleketter onyń biz úshin qajet ekenin túsinedi dep esepteımin», - dedi Elbasy.
