UQShU baqylaýyndaǵy nysandardy QR quqyq qorǵaý organdaryna tapsyrý jospary ázirlenýde

NUR-SULTAN. QazAqparat – Ujymdyq qaýipsizdik týraly shart uıymynyń bitimgerleri bir táýlik ishinde áleýmettik mańyzy bar 5 nysandy qorǵaýǵa aldy, dep habarlaıdy QazAqparat Almatyapat Telegram-kanalyna silteme jasap.

Áleýmettik jelidegi resmı arnaǵa ornalastyrylǵan málimetke súıensek, UQShU-nyń áskerı kúshteri bir táýlikte áleýmettik mańyzy bar 5 nysandy baqylaýǵa aldy. Belarýstiń bitimgerler kontıngenti Jetigen áskerı aerodromynyń jáne oq-dáriler arsenalynyń qaýipsizdigin qamtamasyz etýde.

UQShU Ujymdyq bitimgershilik kúshterdiń qolbasshysy, general-polkovnık Andreı Serdıýkovtyń dereginshe, qazir UQShU Ujymdyq bitimgershilik kúshter qolbasshylyǵy Qazaqstan Respýblıkasynyń Qorǵanys mınıstrligimen birlesip, bitimgerler kúzetke alǵan nysandardy Qazaqstannyń quqyq qorǵaý organdaryna tapsyrý boıynsha jospar ázirleýde.