UQShU aıasynda materıaldyq qamtamasyz etý tártibi ózgeredi

Búgin Senattyń jalpy otyrysynda «UQShU-ǵa múshe memleketterdiń aýmaǵynda ujymdyq qaýipsizdik júıesiniń kúshteri men quraldary quralymdarynyń ýaqytsha bolýyna baılanysty ister boıynsha ıýrısdıktsııa jáne quqyqtyq kómek kórsetý máseleleri jónindegi kelisimdi ratıfıkatsııalaý týraly» Zańy maquldandy, dep habarlaıdy QazAqparat tilshisi.

Kelisimniń maqsaty - quzyretti organdardyń yntymaqtasý tetigin aıqyndaý, sarbazdy jiberýshi jáne qabyldaýshy taraptar ıýrısdıktsııasynyń ara-jigin ajyratý, ujymdyq qaýipsizdik júıesi kúshteri men quralymdarynyń quramyna kiretin adamdarǵa qatysty qylmystardy tergeý tártibin aıqyndaý. Qujat aıasynda qylmystardy jyldam jáne jan-jaqty tergep-tekserý tártibi aıqyndalǵan.

Budan basqa, Kelisimde taraptardyń protsestik áreketterdi jáne dáleldemelerdiń birdeı zań kúshin ózara tanýyna qatysty ereje bekitilgen. Tutastaı alǵanda, Kelisim Ujymdyq qaýipsizdik týraly shart uıymyna múshe memlekettermen kópjaqty yntymaqtastyqty jaqsartýǵa yqpal etetin bolady.

Sonymen qatar búgin Senattyń jalpy otyrysynda «Ujymdyq qaýipsizdik týraly shart uıymynyń áskerlerin (Ujymdyq kúshterin) birlesken materıaldyq-tehnıkalyq jáne medıtsınalyq qamtamasyz etý týraly kelisimdi ratıfıkatsııalaý týraly» Zańy maquldandy.

Kelisimniń mindeti - UQShU áskerleriniń toptaryn qarý-jaraqpen, áskerı jáne arnaıy tehnıkamen, materıaldyq quraldarmen qamtamasyz etý.

Qural-jabdyqtarmen memleketterdiń ulttyq zańnamalaryna sáıkes taraptar óz qarajaty esebinen derbes júzege asyrady.

Kelisimdi ratıfıkatsııalaýdan keıin Ujymdyq qaýipsizdik týraly shart uıymy áskerleriniń toptaryn birlesken materıaldyq-tehnıkalyq jáne medıtsınalyq qamtamasyz etýdi uıymdastyrý kezinde Taraptardyń ózara is-qımyly máseleleri retteledi.

Budan buryn habarlanǵandaı, BUU operatsııalarynda UQShU kúshterin qoldaný tártibi aıqyndaldy.