Ýkraındyqtar bankterden 3 mlrd. dollardan astam aqshalaryn qaıtaryp aldy
ASTANA. QazAqparat - Kıevtegi tártipsizdikter ýshyǵyp turǵan kezde ýkraındyqtar bankterdegi ózderiniń esepshottarynan olarǵa buryn salǵan aqshalarynyń 7 paıyzǵa jýyǵyn qaıtaryp aldy, dep habarlady Bloomberg agenttigine jaqynda taǵaıyndalǵan Ýkraına ulttyq bankiniń tóraǵasy Stepan Kýbıv, dep jazady RBK.
2014 jylǵy 18-20 aqpan aralyǵynda ǵana salymshylar 30 mlrd. grıvnaǵa jýyq nemese 3,1 mlrd. dollar aqshalaryn qaıtaryp alǵan.
Jaǵdaı birkelki qalpyna keltirilgennen keıin ǵana salymshylardyń arasyndaǵy úreı tynyshtalyp, Ýkraınanyń ortalyq jáne batys oblystaryndaǵy bankterden aqshalaryn qaıtaryp alý báseńdedi. Kýbıvtiń aıtýynsha, eldiń shyǵysynda azamattar burynǵysha bankterden aqshalaryn belsendi túrde qaıtaryp alýda.
Búgin Ýkraına Ulttyq bankiniń halyqaralyq baılanystar departamentiniń dırektory Sergeı Krýglık Ulttyq bank grıvnanyń ıkemdi baǵasynyń paıdasyna valıýtalyq baǵamdy basqarý saıasatynan bas tartýǵa uıǵardy.
Búgin ýkraın grıvnasynyń baǵamy 1 dollar úshin 10 grıvnaǵa deıin quldyrady. Bankaralyq valıýtalyq naryqta saýda 10,33-10,5 grn/dollar dıapazonynda jabyldy, bul keshegi kúngi jabylý deńgeıinen 65-72 tıynǵa joǵary. Ýkraına ulttyq banki belgilegen dollardyń resmı baǵamy búgin 9,42 grn/dollar mejesinde. 2014 jylǵy 1 qańtarda ol 7,99 grn/dollardy quraǵan bolatyn.
Keshe Standard & Poor's (S&P) halyqaralyq reıtıng agenttigi birden úsh banktiń - Prıvatbanktiń, Alfa-Banktiń (Ýkraına) jáne Kredobanktiń reıtıngisin SSS-/S-tan SSS/S-qa deıin keleńsiz boljammen tómendetti.
Sonymen qatar AQSh qarjy mınıstrligi amerıkandyq bankterge taqtan taıdyrylǵan Vıktor ıAnýkovıch pen onyń burynǵy serikteri elden shyǵarýǵa tyrysatyn aqshaǵa abaı bolýdy eskertti.
