Ýkraındyq júk kóliginiń júrgizýshisi Qostanaıda sot aldynda jaýap beredi
QOSTANAI. QazAqparat - Astana-Ekaterınbor tas jolynyń ýchaskesin torýyldap júrgen qostanaılyq polıtseıler ýkraındyq júk tasýshynyń sońyna túsýine týra keldi, quqyq buzýshy ustaldy.
Qostanaı oblysy ІІD baspasóz qyzmeti habarlaǵandaı, tirkemesi bar júk kóliginiń júrgizýshisi jyldamdyqty shamadan tys arttyrǵan ári ınspektordyń toqtatqanyna mán bermegen. Polıtseı patrýli onyń izine túsýine týra keldi. Alaıda ol patrýldiń toqta degen talabyn da elemegen.
Patrýlge kóliktiń eki jaǵynan shyǵyp, jolyn bógeýine týra keldi. Toqtaǵannan keıin júrgizýshi polıtsııaǵa jaýap berýden bas tartqan. Esigin ashpaı, ol kezekshi bólimge qońyraý shalyp, ózin «zańsyz» toqtatty dep oqıǵa ornyna jedel topty shaqyrǵan.
Alaıda tekserý barysynda zardap shegýshiniń áreketi durys bolmaı shyqty. Onyń zań buzǵany polıtseı kóligindegi beınetaspada jazylyp qalǵan.
Kıev týmasy Ýkraınaǵa júk tasymaldaýmen aınalysqan.
Qazir ol Qostanaıda qalýǵa májbúr, jyldamdyqty asyryp, bılik ókiliniń zańdy talabyna baǵynbaǵany úshin aıyptalyp otyr. Ol aıyppul tóleıdi jáne 1 jyl merzimge júrgizýshilik kýáliginen aıyrylady.
