Ýkraındyq bapker Nursultan Nazarbaevqa arnaıy kýbokty tapsyrdy
«Kúresten eńbek sińirgen bapker Lev Ejevskıı óziniń shákirti Nursultan Nazarbaevqa arnaıy kýbok tapsyrý úshin Ýkraınadan Qazaqstan halqy Assambleıasynyń sessııasyna kelip qatysty», - dep jazdy tvıtterde Tuńǵysh Prezıdent - Elbasynyń baspasóz hatshysy Aıdos Úkibaı.
Eske sala ketsek, elordada QR Tuńǵysh Prezıdenti - Elbasy, Qazaqstan halqy Assambleıasynyń Tóraǵasy Nursultan Nazarbaevtyń tóraǵalyǵymen Qazaqstan halqy Assambleıasynyń XXVII sessııasy ótti.
Beıbitshilik jáne kelisim saraıynda ótken sessııaǵa 1 500-den astam adam jınaldy. Olardyń ishinde búkil óńirlerden kelgen Assambleıa músheleri men ardagerleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń, úkimettik emes uıymdardyń basshylary, joǵary oqý oryndarynyń rektorlary, shet memleketterdiń dıplomatııalyq mıssııalarynyń, ǵylymı, shyǵarmashyl zııaly qaýym jáne BAQ ókilderi boldy.
