Ýkraındardyń erligi nemese frantsýzdar Álem chempıonatynan tys qaldy ma? - ÁCh-2014
ASTANA. 16 qarasha. QazAqparat - 2014 jyly Brazılııada ótetin fýtboldan Álem chempıonatyna Eýropadan sońǵy joldamalar sarapqa salynýda.
Kári qurlyqtyń enshisine 13 joldama tıgeni málim, sonyń toǵyzyn ıelengen komandalar keler jylǵy jazdy taǵatsyzdana kútip otyrsa, qalǵan tórt joldama úshin tartys búgin túnde bastaldy.
Óz irikteý toptarynda ekinshi oryn alǵan segiz qurama pleı-off formatynda kim myqtyny anyqtaýda. Jankúıerler kópten kútken matchta Portýgalııada álemniń jaryq juldyzy Krıshtıaný Ronaldý bastaǵan jergilikti ujym Zlatan Ibragımovıch pen Shvetsııa komandasyn qabyldady. Bul matchta alań ıeleri 1:0 esebimen basym túsip, Ońtústik Amerıkada ótetin Mýndıalǵa bir taban jaqyndaı tústi. Oıyn taǵdyryn sheshken jalǵyz doptyń avtory - Krıshtıaný Ronaldý.
Bul keshtegi basty sensatsııa Kıevte tirkeldi. Ýkraına quramasy Zozýlıa men ıArmolenko soqqan qos doptyń arqasynda azýly qarsylas Frantsııany jerge qaratty. Endi tórt kúnnen keıin Frank Rıberı bastaǵan frantsýzdar Parıjde ese qaıtaryp kóredi. Ol úshin Zıdannyń otandastaryna úsh dop aıyrmasymen utý qajet.
2004 jylǵy Eýropa chempıondary Grekııa quramasy óz alańynda Rýmynııany 3:1 esebimen tize búktirse, Islandııa men Horvatııa bir-biriniń qaqpalaryna dop soǵa almaı tarqasty - 0:0.
Aıta keteıik, qarymta kezdesýler 19 qarasha kúni ótedi.
