Ýkraınanyń Joǵarǵy radasy ıAnýkovıchtiń otstavkaǵa ketýine daýys berip, prezıdenttik saılaý ótetin kúndi belgiledi
ASTANA. QazAqparat - Kıevte Joǵarǵy rada «Ýkraına prezıdenti Vıktor ıAnýkovıchtiń konstıtýtsııalyq ókilettiligin oryndaýdan shettetilýi týraly» qaýlyny qabyldady. Kezekten tys prezıdent saılaýy 25 mamyr kúni ótkizletin boldy, dep habarlaıdy RBK.
ıAnýkovıchti prezıdent taǵynan ketirýge 328 adam qoldap daýys bergen. Qaýly jobasyn parlamentke oppozıtsııa kóshbasshylary Vıtalıı Klıchko, Arsenıı ıAtsenıýk pen Oleg Tıagnıbok tapsyrǵan. Rada spıkerleri bul sheshimdi búkil Ýkraına halqy qoldaıdy dep málim etti. Daýys berý aıaqtalǵan soń depýtattardyń bári birge memlekettik ánurandy shyrqady.
Esterińizge sala keteıik, Vıktor ıAnýkovıch búgin bergen suhbatynda otstavkaǵa ketpeıtini týraly málimdegen edi. Ol onda oppozıtsıonerlerdi qaraqshylar dep atap, Rada qabyldaǵan barlyq sheshimderdi zańǵa qaıshy sanaıtynyn málimdegen. Qazir el basshysy Harkovte.
Prezıdentti taǵynan taıdyrý týraly sheshimdi biraýyzdan qabyldaǵan soń Rada depýtattary kúsh qurylymdaryna óz ókilderin saılady. Parlamentten qarýly kúshter salasyna ýákiletti ókil retinde Bas shtabtyń burynǵy basshysy Vladımır Zamana, bas prokýratýranyń baqylaýshysy bolyp Oleg Mahnıtskıı, qaýipsizdik qyzmetine ÝDAR partııasynyń depýtaty Valentın Nalıvaıchenko tartyldy.
Aıta keteıik, Harkovte ótken sezde rezolıýtsııa qabyldandy, oǵan sáıkes elde konstıtýtsııalyq tártip pen ornyqty bılik ornaǵansha eldi bıleý ókilettiligi jergilikti ózin-ózi basqarý organdaryna berilmek.
