Ýkraınanyń jańa úkimeti osy aptada jasaqtalyp bitedi
ASTANA. Naýryzdyń 10-y. QazAqparat - Ýkraına Prezıdenti Vıktor ıAnýkovıch, «Qýatty Ýkraına» partııasynyń jetekshisi Sergeı Tıgıpko jańa úkimette vıtse-premerlikke eń laıyq kandıdatýra dep sanaıdy.
Bul týraly ıAnýkovıch búgin Tıgıpkomen bolǵan kezdesýden keıin jýrnalısterge málim etti, dep habarlaıdy «Maıak» radıostansasy.
"Sergeı Tıgıpko parlamenttik partııalardyń eshqaısysyna kirmeıdi. Ýkraına halqy ótken saılaýda oǵan jaqsy qoldaý kórsetti. Tıgıpko - ekonomıkalyq blokty basqarýǵa laıyqty kandıdatýra», - dep atap kórsetti Ýkraına Prezıdenti óz sózinde.
Bul kezdesýde Tıgıpko jańa úkimette jumys isteýge kelisti. Ázirge, beıresmı málimetter boıynsha, jańa úkimet aǵymdaǵy aptanyń sońyna deıin jasaqtalady. Premer-Mınıstr Nıkolaı Azarov bolady.
