Ýkraınanyń Ulttyq kitaphanasynda jarylys boldy, qaza bolǵandar bar
ASTANA. Qyrkúıektiń 30-y. QazAqparat - Ýkraınanyń Vernadskıı atyndaǵy Ulttyq kitaphana ǵımratynda keshe keshke jarylys boldy. Ýkraına Tótenshe jaǵdaılar mınıstrliginiń Kıev boıynsha basqarmasynan habarlaǵandaı, jarylys máskeý ýaqyty boıynsha saǵat 19.00-darda bolǵan.
Kelip túsken aqparattar boıynsha, jarylystyń saldarynan 2 adam qaza bolǵan, taǵy bir adam jaraqatpen aýrýhanaǵa túsken.
Bastapqyda qutqarýshylar tótenshe oqıǵaǵa gazdyń jarylýy sebep bolýy múmkin dep paıymdaǵan edi. Biraq keıinnen, jarylystyń bolmaǵany týraly málimdeme jasaldy.
Oqıǵanyń mán-jaıyn habarlaǵan Ýkraına Іshki ister mınıstrliginiń Kıev qalasy boıynsha bas basqarmasynyń aqparaty boıynsha, oqıǵa 27 qabatty ǵımarattyń 20-shy qabatynda oryn alǵan. Tergeý barysynda anyqtalǵandaı, ǵımaratta jaryq sónip qalǵan. Elektrıkter jaryqty qosamyz dep júrip, órt sóndirý júıesiniń arnasyn kesip tastaıdy. Nátıjesinde oryn alǵan freon qysymy aýany yǵystyrǵan, sonyń saldarynan adamdar tunshyǵa bastaǵan.
Qazir tergeý amaly júrgizilýde, qylmystyq is qozǵaý týraly másele qaralyp jatyr.
