Ýkraınanyń taǵy bir shahtasynda qaıǵyly oqıǵa oryn aldy: bir kenshi qaza boldy
ASTANA. 29 shilde. QazAqparat - Donetsk oblysy Makeevkadaǵy Bajanov atyndaǵy shahtanyń jer betinde saǵat 9:40 shamasynda koprdyń (adamdardy kóterip-túsiretin qondyrǵy) qıraýy saldarynan 1 shahter qaza bolyp, 8-i túrli jaraqat aldy.
Bul jóninde Tótenshe jaǵdaılar mınıstrliginiń baspasóz qyzmeti habarlaıdy, dep jazady SEGODNıA.ua.
Shahtada bolǵan 600 kenshi joǵarǵy qabatqa qosymsha shyǵý joldary arqyly kóterilýde.
Esterińizge sala keteıik, buǵan deıin, 29 shildede saǵat 2:00 shamasynda «Sýhodolskaıa-Vostochnaıa» shahtasynyń jer asty jolynyń 915 metrinde jarylys bolyp, nátıjesinde 16 kenshi qaza boldy, úsh kenshi túrli deńgeıdegi jaraqattarymen aýrýhanaǵa jatqyzyldy. Taǵy 9 kenshiniń taǵdyry ázirge belgisiz.
