Ýkraınanyń mádenı muralaryna qaýip tónip tur - ıÝNESKO
Ýkraınanyń Lvov pen Kıev qalalarynda ornalasqan jeti Dúnıejúzilik mura bar, Odessa men Harkov ta shyǵarmashylyq qalalar jelisine kiredi. Al memlekettiń keıbir ulttyq muraǵattary ıÝNESKO-nyń «Álemniń jadysy» tizilimine engizilgen. Onda soǵys bastalǵaly beri ıÝNESKO óz mandaty aıasynda, onyń ishinde mádenıetti qorǵaý baǵytynda naqty sharalar qabyldap jatyr.
Uıym mádenı nysandar men eskertkishterdi 1954 jylǵy Gaaga konventsııasynyń «Kógildir qalqan» erekshe emblemasymen belgileý úshin Ýkraına bıligimen baılanys ornatady. Ondaǵy maqsat – qasaqana nemese kezdeısoq zııan keltirmeý úshin qarýly qaqtyǵys jaǵdaıynda mádenı qundylyqtardy qorǵaý. Birinshi kezektegi mindet –halyqaralyq quqyqqa sáıkes qorǵalatyn aýdandar retinde olardyń erekshe mártebesin eske salý úshin mádenı mura eskertkishterine belgi qoıý. Jaqyn kúnderi Ýkraınanyń mádenıet salasyndaǵy mamandarymen - dúnıejúzilik mura nysandarynyń basshylarymen, murajaı dırektorlarymen, jyljymaıtyn jáne jyljymaly mura nysandaryna jaýapty azamattarmen shuǵyl qajettilikterdi anyqtaý maqsatynda jańa kezdesýler josparlanǵan.
Sonymen qatar ıÝNESKO Ýkraınanyń qaýip-qaterge tap bolǵan mádenı murasyn qorǵaý úshin halyqaralyq seriktesterdi tartpaq. Sonyń ishinde mádenı qundylyqtardy saqtaý jáne qalpyna keltirý jónindegi halyqaralyq zertteý ortalyǵyn, «Kógildir qalqan» komıtetin, Halyqaralyq murajaılar keńesin, eskertkishter men kórikti jerlerdi saqtaý jónindegi keńesti jáne taǵy basqalaryn jumyldyrady.
