Ýkraınanyń Lvov qalasynan kezekti Qazaqstan azamattary evakýatsııalanady

NUR-SULTAN. QazAqparat – 3 naýryzda Ýkraınanyń Lvov qalasynan taǵy bir top Qazaqstan azamattary evakýatsııalaıdy, dep habarlaıdy QazAqparat QR Ýkraınadaǵy elshiligine silteme jasaı otyryp.

«Qurmetti Qazaqstan azamattary! 2022 jyly 3 naýryzda tańǵy saǵat 08:30-da Qazaqstan Respýblıkasynyń Ýkraınadaǵy elshiligi Lvov qalasyndaǵy otandastarymyzdy evakýatsııalaý úshin avtobýs jiberýdi josparlap otyr. Avtobýsta 18 adamǵa oryn bar», - delingen habarlamada.

Elshiliktiń mekenjaıy: Kıev qalasy, ıÝ.Ilenko, 26, baılanys telefony [phone].

Qazaqstan azamattaryn Ýkraınadan evakýatsııalaýǵa qatysty mańyzdy aqparattardy elshiliktiń áleýmettik jelidegi jáne messendjer paraqshalardan tanysyp, bile alasyzdar:

Instagram – kazembukr

Feısbýk – KazEmbassyUkr

Telegram – t.me/KZembassyinUKR

Buǵan deıin qazaqstandyqtar mingen 3 avtobýs Kıevten jolǵa shyqqany týraly habarlaǵan edik.

Odan bólek, Qazaqstannyń Ýkraınadaǵy elshisi Darhan Qaletaev Kıevtegi jarylystan qazaqstandyqtardyń zardap shekpegenin málim etti.