Ýkraınanyń qorǵanys mınıstrligi áskerı ushaqtyń apatqa ushyraǵanyn moıyndady
ASTANA. QazAqparat - Lýgansk aýdanynda senbige qaraǵan túni Il-76 áskerı-kóliktik ushaǵy apatqa ushyrady, dep habarlady Ýkraınanyń qorǵanys mınıstrligi.
Ýkraına áskerıleriniń málimetteri boıynsha, ushaq jerge qonbaq bolǵan sátte oǵan zenıtti qondyrǵy men iri kalıbrli pýlemetten oq jaýdyrǵan. Qorǵanys mınıstrligi ushaq bortynda áskerı qyzmetkerler, tehnıka, kerek-jaraqtar men azyq-túlik bolǵanyn málim etti. Qaza tapqandardyń naqty sany ázirge anyqtalǵan joq, sonymen birge tiri qalǵandar jaıly da eshqandaı derek berilmeı otyr, dep habarlady Bı-bı-sı.
Ýkraına BAQ-tarynyń habarlaýynsha, Lýgansk qalasy qazirgi ýaqytta separatıster jasaǵynyń baqylaýynda, alaıda áýejaıdy ýkraındyq kúsh qurylymdary ustap tur.
Lýganskide naqty qandaı IL-76-nyń atyp túsirilgendigi jaıly aqparat joq.
