Ýkraınanyń Qazaqstandaǵy elshiligin kim basqaryp otyr

ASTANA. QazAqparat – Syrtqy ister vıtse-mınıstri Roman Vasılenko Ýkraınanyń Qazaqstandaǵy elshiligin qazir kim basqaryp otyrǵanyn aıtty, dep habarlaıdy QazAqparat tilshisi.

«Elshilik jumys istep tur. Biraq ony ýaqytsha senim bildirilgen ókil basqaryp otyr. Bul fýnktsııa Elshi joq kezde sodan keıin turǵan laýazymdy dıplomatqa júkteledi. Qazir Ýkraınanyń Qazaqstandaǵy elshiliginde osyndaı jaǵdaı», - dedi vıtse-mınıstr Senat otyrysynan keıin.

BAQ ókilderi telegram-arnalarda Lýgansk oblystyq áskerı ákimshilik basshysy Sergeı Gaıdaıdyń Qazastanǵa elshi bop keletini týraly málimet tarap jatqany qanshalyq ras ekenin surady.

«Mende Gaıdaı myrza jóninde naqty málimet joq. Alaıda kez kelgen memlekettiń basqa memlekettegi elshisin taǵaıyndaý protsedýrasy agremandy talap etedi. Agreman sózi – «aldyn ala kelisý» degendi bildiredi. Ýkraına tarapy bilýimshe, elshini taǵaıyndaý jóninde Qazaqstan tarapynan suraıtyn (elshini taǵaıyndaý jóninde) bolýy kerek. Qabyldaýshy tarap kelisimdi beredi nemese únsiz qalady. Óıtkeni dıplomatııada kez kelgen ótinishten bas tartýǵa bolmaıdy», - dedi ol.