Ýkraınanyń EQYU-ǵa tóraǵalyǵy aıaqtaldy
ASTANA. 2 qańtar. QazAqparat - 2014 jyly Ýkraına Eýropadaǵy qaýipsizdik jáne yqpaldastyq uıymyna tóraǵa etýin toqtady, onyń ornyn Shveıtsarııa basady, dep jazady delo.ua.
Kıevte ótken baspasóz máslıhatynda Shveıtsarııa konfederantsııasynyń prezıdenti, 2014 jylǵy EQYU-nyń tóraǵasy Dıde Býrkhalter bul mindetti oryndaýda aldyna qoıǵan maqsattaryn jetkizdi.
Jańa tóraǵanyń málimdeýinshe, Shveıtsarııa shıelenisken aımaqtardaǵy jaǵdaıdy retteýge, azshylyq ulttardyń quqyǵyn qorǵaýǵa qatysady. Býrkhalter Prıdnestrove túıinin sheshý basym baǵyttardyń biri bolyp qala beretinin atap ótti.
Onyń aıtýynsha, Shveıtsarııa EQUY-nyń jumysyna azamattyq qoǵamdy qosýǵa basa nazar aýdarady jáne uıymnyń jumysynda jastarǵa daýys berý quqyǵyn bergisi keledi. Sondaı-aq Shveıtsarııa Batys Balqan men Ońtústik Kavkazǵa eki arnaıy ókil taǵaıyndaıdy. Mınıstr Shveıtsarııanyń basymdyqtar baǵdarlamasyn EQUY-nyń Turaqty Keńesine 2014 jyldyń 16 qańtarynda tanystyrady.
Eske sala keteıik, Ýkraına EQYU-ǵa 2013 jyly tóraǵalyq etti.
