Ýkraınanyń eks-prokýrory Qazaqstan aýmaǵyna kelgen joq - QR SІM

ASTANA. QazAqparat - Qazaqstan quqyq qorǵaý organdarynyń aqparatyna sáıkes 1954 jyly dúnıege kelgen Pshonko Vıktor Pavlovıch memlekettik shekaradan ótpegen jáne Qazaqstan Respýblıkasynda ýaqytsha tirkelmegen. Bul týraly QR Syrtqy ister mınıstrliginiń baspasóz hatshysy Nurjan Aıtmahanov málim etti.

Onyń atap ótýinshe, V.Pshonko Qazaqstan Respýblıkasynda turaqty turýǵa ruqsat alý jáne belgilengen tártippen azamattyqty qabyldaý úshin kóshi-qon polıtsııasy bólimshesine ótinish bermegen. Qazaqstan Respýblıkasynyń halyqty qujattandyrý málimetter bazasyndaǵy tegi Pshonko barlyq tulǵalar tekserildi.

«Dál osyndaı tekserýler aımaqtyq ishki ister organdarynda da júrgizildi. Kóshi-qon polıtsııasy bólimsheleriniń óndirisinde V.P.Pshonkoǵa qatysty materıaldar joq», - dedi ol.