Ýkraınanyń 20 oblysynan koronavırýstyń omıkron shtamy tabyldy

KIEV. QazAqparat – Koronavırýstyń Omıkron shtamy Ýkraınanyń 20 oblysynda tirkeldi. Sońǵy 3 aptada bir táýlikte aýrý juqtyrǵandar sany jeti ese, aýrýhanaǵa túskender sany – eki ese artty. Bul týraly Ýkraınform eldiń densaýlyq saqtaý mınıstrligine silteme jasap jazdy, dep habarlaıdy QazAqparat.

«Statsıonarda em qabyldap jatqandar men aýyr haldegi naýqastar sany aıtarlyqtaı óspegenimen, vırýs áli de qaýip tóndirýde. Ásirese, sozylmaly aýrýy barlar men vaktsına almaǵandarǵa qıyn», - dep atap ótti densaýlyq saqtaý mınıstri Vıktor Lıashko.
Densaýlyq saqtaý mınıstrliginiń málimetinshe, ótken aptada tirkelgen jańa jaǵdaılardyń sany ótken jylmen salystyrǵanda eki esege artty.
«Omıkron shtammy elimizdiń 20 oblysynda tirkelgen. Rastalǵan jaǵdaılardyń eń kóp sany Jıtomırskıı, Chernovıtskıı, Ternopol oblystary men Kıev qalasynda tirkeldi», - delingen habarlamada.
Densaýlyq saqtaý mınıstrliginiń málimetinshe, Ýkraına sońǵy 14 kúnde 100 myń turǵynǵa shaqqandaǵy jaǵdaı boıynsha Dúnıejúzilik densaýlyq saqtaý uıymynyń eýropalyq aımaǵynyń 54 aýmaǵy arasynda 46-shy orynda.