Ýkraınanyń Odessa jáne Harkov oblystaryndaǵy qazaqstandyqtarǵa qaladan shyǵý usynyldy
ASTANA. KAZINFORM – Ýkraınanyń Odessa jáne Harkov oblystaryndaǵy jaǵdaıdyń shıelenisýine jáne Qaýipsizdik qateriniń artýyna baılanysty Qazaqstan Respýblıkasynyń Ýkraınadaǵy Elshiligi Qazaqstan azamattaryna osy aımaqtardan ketý múmkindigin qarastyrýdy usyndy.
«Ýkraınadan Qazaqstanǵa shyǵý úshin Qazaqstan Respýblıkasynyń azamattary Polsha nemese Moldova arqyly ótetin jerústi baǵyttaryn, odan keıin kommertsııalyq reısterdi paıdalana alatynyn eskertemiz» — delingen habarlamada.
Polsha arqyly ketken jaǵdaıda Qazaqstan azamattarynda Shengen vızasy bolýy kerek, Moldova arqyly qaıtý úshin vıza talap etilmeıtini aıtylǵan.
Sonymen birge, Elshilik barlyq azamattardy áýe shabýyly týraly eskertýdi elemeýge jáne dereý bombadan qorǵanatyn orynǵa ótýge shaqyrady.
Elshiliktiń baılanys telefondary: +38(044) 4831596, +38(044) 4891031.
Qazaqstan azamattaryna arnalǵan senim telefony (tótenshe jaǵdaı kezinde): +380673470408.
